SUN世代:愛妻支持 上進動力
甄韋喬與太太在中一便結識，二人攜手走過二十多個年頭，胼手胝足為事業打拚，現時太太出任利興執行董事，在公在私，二人都是最佳拍檔。「太太係我最忠實嘅支持者，無論我做乜嘢，佢都無條件支持我！」
和太太走在一起不容易，他感激太太的無言付出，「太太讀到中五，學歷比我高，當初拍拖，外母雖然冇當面講出口，但我知佢唔同意女兒同我一齊。」太太的愛，就是他咬實牙根努力上進的原動力，他最終亦交出成績，贏得外母認同。
事業有聲有色，原來他最希望外界不再歧視清潔行業，「清潔業同環保息息相關，而且好專業，衞生做得好，亦可守護到市民健康。希望大眾唔好再用有色眼鏡睇呢行，亦想諗辦法，招納更多年輕人投身呢個行業。」
甄韋喬感激太太（右）的無言付出，圖為一家五口合照。