大學校長嘅其中一個重任係籌募經費，浸大尋日舉行感恩茶敍，履新約半年嘅校長陳新滋竟然榮登熱心捐贈榜，原來佢捐咗五十五萬畀浸大。
浸大發展事務處總監鄭陳惠蘭爆料話校長承諾每年捐出人工嘅十分之一畀學校，陳校長之後好爽快咁話，應該唔止十分之一喎！
舊年浸大全球排名已進至第一百一十一位，校董會主席王英偉尋日對住班學校高層放話，如果大家努力將排名推進至一百名以內，佢會自掏腰包請食飯。