SUN世代：為遊法國選美
參選亞姐為Karen帶來知名度，參選原因除了她喜歡「試新嘢」外，更重要的是可以遊法國。性格有點傻大姐的她說：「我嗰屆有好多勁人㗎，好似吳綺莉呀、施綺蓮、陳寶蓮咁，仲去埋法國拍喎，依家邊有呀？去東莞咋！我本身讀藝術嘛，為咗去法國，咪決定參選囉！」
單身貴族 事業為重
選亞姐而不選港姐，與她的藝術家脾氣也有關係，「我覺得亞視creative啲，冇咁傳統，踏上選美台，就係想試吓另一種藝術表演形式。」參選亞姐前，演藝的老師曾叫她參加無綫的健美小姐，但被她拒絕，「好得意喎，我雖然冇參選，但畀無綫睇中，幫佢哋拍健美小姐嘅宣傳片。」
Karen天生麗質，一張俏臉沒有留下歲月痕迹，她至今仍是單身貴族，雖追求者眾，但自言以事業為重，「嚟緊會去好多地方做展覽，希望珠寶生意打入東南亞市場啦。」
去年三月參加珠寶展，好友前來捧場。右二是Karen，左一是前亞姐冠軍李妮。