政情：紫色兵團攻陷馬場
沙田馬場尋日出現一班「紫色兵團」，皆因英國經典服飾品牌Kent & Curwen舉行百週年紀念短途盃，紫色係Kent & Curwen招牌顏色，賓客聽晒代理該品牌嘅利邦集團主席Victor馮國經話，有咁紫得咁紫。
Victor同細佬William馮國綸唔止玩紫色，仲一身Kent & Curwen搶鏡。咪以為係專登做生招牌，原來William二十幾年前已愛上呢個牌子，而Victor千金馮詠儀都唔失禮，以紫藍色短袖性感碎花長裙襯紫色禮帽，認真抵得冷。
馮國綸（左）一身Kent & Curwen，同太太齊亮相。
主人家馮國經滿場飛招呼賓客。
馮國經千金馮詠儀以一襲紫色碎花裙搶鏡。
簡炳墀連內衣褲都揀Kent & Curwen。