尋日撞到亞視前執行主席張永霖同太太，張太話三個禮拜前去咗溫哥華度假，事關佢哋喺當地有間屋，兩公婆嘅節目就係拖手仔行吓公園，好開心、好寫意。張太仲話老公暫未有打算重出江湖喎。
轉頭又見到大家樂集團太子女Candice陳浩寧同男朋友Leonard，Candice只係着住套薄身套裝同埋皮草披肩，佢嘅抗寒法寶就係喺套衫入邊嘅暖包。佢又話同男友啱啱去完老撾玩，日日踩單車周圍去，當地冇乜交通燈，好舒服喎！
張永霖夫婦早前喺溫哥華度假，節目就係拖手仔行公園。
陳浩寧同男友啱啱去完老撾玩。
