龍尾人工泳灘20年起唔成

【本報訊】曾蔭權下令建造的人工沙灘龍尾泳灘原定去年完工，但工程設計工作一拖再拖至今尚未完成，動工更是無期，有區議員批評港府當初下令決心排除萬難堅持要興建泳灘，但結果虎頭蛇尾，市民大失所望。區議會已去信民政事務局局長及特首辦反映不滿，要求局方交代工程時間表。有工程師指該工程原預計需費一億三千萬元，但近年原材料價格急升，延遲動工勢將令工程費上升，增幅或達兩、三成，納稅人要多付鈔。

港府商討車位數目一年無果

龍尾發展人工泳灘工程納入○五年施政報告中，政府二十五項優先展開市政工程之一。由於大埔區唯一的泳池場館不敷應用，當局決定在龍尾填海，建造繼屯門黃金泳灘後第二個人工泳灘。曾蔭權○七年巡視大埔時，更曾親自下令發展龍尾泳灘，雖然環保團體反對該計劃，但港府不惜兩度聘請顧問就龍尾調查生態，最終獲環境諮詢委員會通過計劃，民政事務局接手泳灘設計工作。

大埔區議員任啟邦炮轟政府發展龍尾泳灘歎慢板：「工程最初話舊年底完工，跟住話今年底先得，之後再話二○一三年先搞掂，到最近期嘅會議更不提完工日期，只係話會早日落實，令人難以接受！」他指港府聲稱要先就泳灘泊車位數目與相關政策局及部門尋求共識，始可落實設計，但商討一年也未有結果，批評「冇理由因為泊車位呢啲細眉細眼嘢，搞到起唔成個泳灘。」區議會對泳灘工程大落後深表不滿，質疑該工程為區域市政局年代的工程，但政府二十年也「起唔成」，不排除會有跟進抗議行動。

民政事務局發言人承認龍尾泳灘至今只完成初步工程設計，正檢討工程範圍的部分細節，完成檢討後，會盡快展開詳細設計工作並作籌備，包括制訂工程預算費用及發展時間表，並會諮詢區議會及立法會民政事務委員會意見，再向財委會申請撥款，盡快展開建造工程。

資深工程師黃澤恩指近年建材成本上漲，以過去一年政府建築工程投標價格指數計算，港府延遲動工興建泳灘，工程費或有機會上漲兩、三成。

龍尾人工泳灘長約一百五十米，工程包括鋪設四萬七千立方米幼沙、兩邊加設石屎護沙堤，更衣室、防鯊網及瞭望台等。