就快過年，立法會衞生服務界議員李國麟原本計劃新正頭同老婆去東歐旅行，但見嗰邊天氣又凍又唔穩定，最近取消計劃，留港過年。不過，佢哋兩夫妻分別喺公開大學同中文大學任教，放假期間都要忙住備課。
東歐天氣唔好，澳洲昆士蘭有水災，加埋內地又有冰雪災，李國麟都好感慨咁話，都係留喺香港穩陣啲。
既然留港過年，佢同太太打算遲啲四圍去拜年，至於年廿八洗邋遢嘅大掃除習俗，李國麟都會跟足，但佢話屋企應該唔使點樣特別大執大搞，事關平時佢哋屋企都好整潔，成日都有清潔家居。
李國麟諗過度過，決定取消外遊計劃，話留喺香港最穩陣。
