「零售管理一姐」麥瑞琼尋日同水餃皇后臧建和一齊出席傑出專業女性及女企業家選舉記者會，一姐個個星期都要去Shopping，睇啱就買，問佢花幾多錢換季，佢都唔好意思講，話驚畀老公鬧。不過，佢話啲衫着舊咗就捐出去，絕冇浪費喎。
臧姑娘就對講廣東話冇乜信心，最搞笑係以前香港人嘅普通話都麻麻地，於是大家遷就同佢講普通話，結果成日鬧出「睡覺幾錢晚？」（水餃幾錢碗）同「有冇生痔瘡？」（有冇散紙唱）嘅笑話。
女工商及專業人員聯會舉辦傑出女性選舉，麥瑞琼（左一）出席撐場，左二係會長管胡金愛、右二係前會長鄭李錦芬、右一係創會會長黃汝璞。
