民間團體獲可持續發展基金資助推行油麻地舊區再造計劃，尋日啟動禮邀請咗可持續發展委員會主席Bernard陳智思同多位嘉賓一齊參觀上海街多間老店舖。
當Bernard參觀有逾八十年歷史嘅「鏡明畫框」期間就畀陳老闆認出，話Bernard爸爸陳有慶同所屬社團都係佢哋鏡舖嘅熟客仔，長期幫襯訂造相架同鏡框，咁啱前日先至送完畫框去陳有慶間公司。Bernard話今次親身探訪老店舖感覺好特別，希望呢啲舊式老舖唔會消失喎！
陳智思（後排左二）特地探訪老店，仲影合照留念。
