政情：立會答問議員篤iPhone
立法會答問大會內容有冇料到，睇班官員議員嘅反應就知道。向來出席會議都「難逃一睡」嘅教育局局長孫明揚尋日出席會議時貫徹作風，懶理世事，專注會周公，瞓着覺仲有工聯會嘅議員潘佩璆同建仔嘅「象哥」黃定光，象哥仲瞓得超冧，個頭一度貼近張枱，旁人都替佢擔心。
白鴿黨甘乃威同商務及經濟發展局副局長蘇錦樑喺答問大會上，由頭到尾都喺度手篤篤，睇真啲先知佢哋玩緊iPhone同iPad解悶，近日榮升做公文袋黨魁嘅袋巾傑就掛住上自己嘅facebook專頁睇留言。
近日忙住反申亞嘅陳淑莊就喺會議上三度誤稱特首做「局長」，事後仲笑言自己「太掛住」民政事務局局長曾德成先會咁，搞到對方好鬼尷尬。
