政情：田少寒天派愛心叉燒飯
為加強地區工作，富貴黨榮譽主席田北俊尋日起一連四日喺沙田河畔花園間「叉燒大王」，向六十歲以上已登記嘅長者派發愛心叉燒飯，首日已派出一百七十二盒，喺嚴寒天氣下為長者添暖意。活動喺下晝五點開始，師傅斬叉燒，田少就喺旁邊幫手載飯。
之後田少將熱辣辣嘅愛心叉燒飯送到長者手上，又同Miriam分頭坐低，邊食叉燒飯邊同長者傾偈，期間Miriam擔心啲叉燒太大件，攞起鉸剪幫長者剪細啲。
田少（左一）親自盛飯畀長者，大家見過未？左二為劉健儀。
