亞洲最大嘅香港玩具展前日喺灣仔會展開幕，坐鎮嘅工業總會主席孫啟烈話，佢童年時只係踢吓膠波、玩吓公仔紙。跟住見到有「最美麗港姐」之稱嘅朱玲玲，問佢童年有乜玩具，佢話細個喺落後嘅緬甸長大，幾兄弟姊妹只喺屋企花園追逐，間中爸爸有機會去香港公幹，就會買公仔返緬甸畀佢玩，儲到咁上下，佢就以唔同角度同啲公仔合照。
「中國變形金剛之父」林亮（左）係玩具業老行尊，依家已將生意交畀阿仔林健鋒。右為孫啟烈。
喺緬甸成長嘅朱玲玲話，童年嘅公仔玩具係爸爸去香港公幹時買返嚟。
