SUN角度：厭惡工種少人吼僱主唔睇好計劃

求職者對「就業導航試驗計劃」怨聲載道，連一眾僱主在計劃未出籠前，已經唔睇好。部分僱主指出，無人做的工種，很多都是帶厭惡性和體力勞動的工作，就算開出較優厚的薪酬福利條件，空缺依然多年來無人問津，更擔心一些僱員抱賺快錢心態，取得工作鼓勵金後就劈炮。

自港府公布有關計劃後，各行業僱主都有極大反彈。在勞工處內找到、月薪低於六千五百元的工種，主要是雜工、清潔員、廚工等，部分僱主直言請唔到人，不單因為錢。在新界經營花場的花農直言，過去六年都有透過勞工處招聘人手，做除草、翻土和包裝工作，月薪高於六千五百元，甚至附加交通津貼，但入職者始終嫌辛苦，全部都「做唔長」。

憂取得鼓勵金即辭職

另外，一間清潔服務公司，亦曾透過勞工處，聘請月薪五千元的清潔男工，惟市場上較少男性願當清潔工，結果久久未聘請到合適人選。

而參加計劃人士可分三階段申請工作鼓勵金，成功入職並完成首天工作可獲五百元、受僱滿一個月可獲一千五百元、受僱滿三個月可獲三千元，不少僱主對此亦有隱憂，擔心該些僱員取了工作鼓勵金後就辭職，要重新招聘。