喺聖誕節前都講過，立法會議員涂謹申嘅太太安排咗同一大班朋友去第三世界嘅尼泊爾旅行，令阿涂頗有怨言，但玩完返嚟，佢反而做咗旅遊大使，向朋友大力推介尼泊爾。阿涂話當地風和日麗，景色怡人，最重要係佢哋玩足七日，機票連食宿每人平均都只需萬零蚊，認真抵玩。咁首選玩乜先？佢話係騎大象入森林探險，唯一辛苦啲係坐象背搖得好犀利，條腰骨唔好就咪亂試喎。
阿涂兩公婆遊完尼泊爾七日，大讚當地風和日麗，景色怡人。 （涂謹申提供圖片）
