近山頂司徒拔道觀景台一帶有「白牌」旅遊車亂咁停車,導致司徒拔道成日塞車,山頂居民同遊客怨聲載道。山頂係富貴黨嘅老巢,身兼該黨名譽主席嘅旅發局主席田北俊睇唔過眼,上月三十一號朝早十點,單人匹馬揸車直踩事發現場。
嗰日田少將架車泊喺路邊,自己膽粗粗落車,見到現場真係有好多旅遊車塞喺度,於是舉起iPhone影相,即刻有彪形大漢衝出嚟舉機反拍佢,擺明挑釁,而佢亦反拍番個彪形大漢,先至上車離開,結果好彩可以全身而退。
白牌車司機舉機反拍田少,仲識得叫佢做田少。