立法會秘書處尋日通知議員，添馬艦政府新總部平頂儀式定喺呢個月二十五號上晝八點至八點半舉行。呢個時辰正好適合「平治道塗」，即係宜為工程平頂，而且旺貴人。
據香港術數家協會術數師楊子東話，從術數而言，嗰日其實唔係最好嘅日子，但係計埋時辰，卻係工程平頂嘅最理想時間，當日全日最佳時辰係辰時，即係朝早七點至九點，而時辰中段就最當旺，即係話八點正係全日最好嘅時間。佢話，如果人喺呢個時辰出世，會生性慵懶，但若建築物喺呢個時辰做平頂儀式，卻可以利旺貴人。