佛門中人一向好低調，佛教聯合會副會長永惺法師平日深居簡出，上一次見佢已經係舊年九月，當時法師帶領一眾法師開記者會捍衞大嶼山鹿湖佛門清淨地。日前下晝，大師喺兩個弟子陪同下，坐住輪椅去到中環皇后大道中戲院里，原來大師係去診所檢查身體。
日前下晝四點，永惺法師坐住輪椅，由兩個弟子護送下現身中環，天氣嚴寒，大師都做足保溫措施，頭戴冷帽，頸上亦圍住頸巾，去到置地文華酒店門外，佢哋登上一架停泊喺路邊嘅豪華七人車離開。大師依家雖然行動不便，但精神仍然好好。
永惺法師喺兩個弟子陪同下去中環檢查身體。
兩名弟子攙扶永惺法師上七人車時，大師面露笑容。
