政情：鄧達智頸椎手術留7吋疤
著名時裝設計師鄧達智最近有啲麻煩，事關佢早排發現手痹，連笑都笑唔到，後尾的起心肝去驗身，先知道自己患上頸椎間盤突出症，惟有立即做手術，尋日佢大方向記者show佢頸後嗰條七吋長嘅疤痕，仲話計劃用紋身嚟遮疤，唔排除紋條蛇喺頸喎！
鄧達智尋日出席香港毛皮業協會舉辦嘅皮草設計比賽時透露，十年前已購買咗醫保，但保險經紀幫佢cut咗醫保單，又冇通知佢，令佢大拿拿二十萬手術費冇得賠。
唔少人聽到呢個消息應該崩潰，但鄧達智就話冇嘢重要得過健康。佢話個手術做咗成四個鐘，由於手術可能有癱瘓危險，所以佢手術前都向家人交代定身後事。講得咁輕鬆，真係夠豁達。
著名時裝設計師鄧達智
鄧達智展示佢頸後嘅疤痕。