Sun角度：阻嚇不足:煙稅低過外國 包裝警告唔夠激

二手煙「殺傷力」強，全球每年就有近六十萬人因為吸入二手煙而早逝，逾三成為兒童。禁煙工作刻不容緩，但本港徵稅及煙包廣告規管等禁煙政策，一直遠遜外國。單是煙稅，本港現時煙稅只佔零售價六成多，與世衞標準七成五相距甚遠，亦比印度、泰國及新加坡為低。

美國煙包印棺材死屍

「煙稅係其中一個最有效嘅禁煙方法，喺外國，每增加百分之十煙稅，就會減少百分之四嘅吸煙量。」港大公共衞生學院社會醫學系助理教授何世賢稱，政府只要不斷加煙稅，讓煙民預期香煙售價愈來愈高，便會自動戒煙。在紐約，○八年煙稅加一倍多時，戒煙熱線的求助人數即時急升三倍。事實上，在捷克、芬蘭及荷蘭，煙稅佔零售價比率已高於世衞標準，在泰國，香煙銷售稅率已逾八成三。

在煙包警告規管方面，美國規定煙草商於煙包上印有的警告愈來愈「核突」，務求減低煙民吸煙意欲。最新一輯煙包警告上，規定煙草商須在煙包上印上彌留病人容貌、躺在棺材中的屍體等等。相反，香港所售香煙，包裝只印上X光片及折斷香煙等圖案，阻嚇效果難以相提並論。