政情：陳南祿聖誕留港消費
以前喺國泰做高層嘅陳南祿，明明有大量平機票兼大假，但每逢大時大節佢都犧牲小我，留守大本營做大隊長。事關大時大節，旅客流量多，爆鑊機會大，冇人睇住大本營，有起事上嚟個炸彈都唔知搵邊個拆好，所以咁多年嚟，佢話自己都唔會喺長假期放假去旅行，即使機票幾抵佢都不為所動，有同事肯同佢調假，佢都一樣堅持畀班兄弟放先。
尋日喺中環撞到陳南祿，同佢傾開至知，轉咗工嘅佢，今次聖誕新年一樣冇外遊出去攤抖吓。今年佢明明轉咗去做恒隆高層，為乜嘢聖誕繼續留港消費呢？佢話：「我依家喺恒隆，返咗新工咁耐都未出過去，好忙吖嘛，希望遲啲可以出去行吓。」
陳南祿