Sun世代：小時候生日 嚴父送金句牌匾

在小時候的Wingco眼中，父親盧文端既是嚴父，也是大忙人。不過每逢周末，父親都會和他們度過。「我細個係孱仔，Daddy就捉我同家姐去行山、打波，我依家都仲keep住每日游水同跑步㗎！」

他最記得小時候生日，父親不是送玩具給他作禮物，而是送上「金句牌匾」，「『少壯不努力、老大徒傷悲』呢類金句，我收過好多，講真，邊有細路仔鍾意收呢啲禮物吖！」他哈哈笑說。

談愛女甜絲絲

父親盧文端也有鬼馬一面，「佢會突然爆幾句笑話出嚟，笑到大家肚痛！」父親有一次買皮帶送給他和姐夫吳永嘉（香港中華廠商聯合會副會長），卻鬧出笑話：「佢印象中覺得我好瘦，姐夫就好大隻，結果兩條皮帶都買錯晒，我嗰條就唔夠穿，姐夫嗰條就鬆得滯！」

Wingco○五年結婚，現已是兩女之父，他甜絲絲說：「太太喺美國識嘅，佢性格好『淋』，我被迫要做嚴父。」那麼盧文端是否「嚴祖父」？他笑着擰頭：「佢錫到佢哋燶呀！」