Sun世代：幻想家愛創新

盧金榮是全國政協委員兼榮利集團主席盧文端兒子。貴為富二代，盧金榮沒有頤指氣使的公子派頭，待人親切有禮，他曾在美國留學和創業，取得博士學位後回港接掌家族生意，秉承勤奮、唔怕蝕底的「福建幫」精神，帶領家族業務創出新里程。

三十七歲的盧金榮（Wingco）現任榮利集團董事總經理，他有一姊一妹，是家中唯一兒子。父親盧文端是本港知名的「福建幫」巨頭，早年更有「錄影帶大王」美譽。現時榮利集團除生產電腦光碟外，更涉足製造、金融、地產和旅遊業，遠至英、美、新加坡、馬來西亞及內地都有公司。

坐擁豐厚身家，Wingco絕無「太子爺」架子，說起童年點滴，他說自己小時候是個「幻想家」，「六、七歲已經幻想十幾歲會係點呢？可以自由去街，一定好開心！又幻想第時做消防員、警察，甚至當兵，因為着制服好有型嘛！到咗十幾歲，就幻想廿幾歲要做科學家，然後結婚生仔！」

讀博士學位裝備自己

Wingco自小對電子科技着迷，數學成績更是一枝獨秀，「我好有好奇心，細個成日將啲收音機拆開又砌番，睇吓入面原理係點！」他十六歲便到美國讀書，其後在南加州大學取得計算機碩士學位，適逢當時美國科網熱，他決定和朋友在當地開設軟件公司。

「真係自己落手落腳寫program㗎，生意仲幾好添。」二千年科網股爆破，公司雖如常運作，但生意大不如前。父親這時候叫他回港幫手，卻被他拒絕：「覺得自己喺管理上有不足，決定繼續讀書。」他修讀工商管理博士學位，充分裝備好自己後，○四年才回港接掌家族生意。

從低做起打好基本功

回到父親公司，他沒有恃着少爺仔的身份一步登天，反而從低做起，打好基本功。「我主要負責光碟業務，想了解唔同部門嘅運作，做過高級工程師、採購、銷售，要周圍飛見客㗎！」

訪問翌日，他便要回內地巡視廠房和傾生意，忙得不可開交。「講真，冇諗過自己會做廠，Daddy亦冇規定我一定要接手生意，不過接咗手就要做好佢。Daddy做嘢好勤力又唔怕蝕底，我亦時常警惕自己，唔可以懶。」

說到未來大計，Wingco希望帶領家族生意不斷創新，「工業發展正在轉型，例如過去我哋為三星生產電腦光碟，現在連電腦袋都係由我哋設計、生產。未來會做更多『一條龍』服務，即係唔止幫牌子生產，仲做埋銷售。香港作為內地同外資之間嘅橋樑，有好大優勢。」

盧金榮小檔案 Wingco's Profile

年齡：37歲

學歷：

美國南加州大學計算機學系學士及碩士、美國南加州大學工商管理博士

現職：

榮利集團董事總經理

公職及社會事務：

香港中華廠商聯合會會董

菁英會副主席

百仁基金會委員

全國青聯委員

福建省政協委員