政情：林以諾陳欽杰鬥篤機

早幾日下晝三點幾，見到鬼馬牧師林以諾同埋慕詩（Moiselle）主席Boby陳欽杰相約歎下午茶。見佢哋兩個傾談時間唔多，期間佢哋仲好似大細路咁攞咗部智能手機出嚟係咁篤，林牧師睇到好嘢仲同坐對面嘅Boby分享，唔知佢有乜嘢新發現呢？冇幾耐食物上枱，兩位虔誠嘅基督徒齊齊合掌祈禱、開餐，歎完茶點後，約個幾鐘之後兩位大忙人就一齊離開嘞！記者上前同林牧師打個招呼，佢話聖誕節期間冇乜特別嘢做，都係忙教會啲嘢喎！

Money18 新功能「18好路數」為你預測心水股票升跌機會率

林以諾（右）同陳欽杰（左）分享手機上嘅新發現。