政情：梁栢賢馬場初哥唔敢博
聖誕假期人人搵節目，醫管局新任行政總裁梁栢賢就罕有地現身馬場，原來佢應馬會大董兼恒隆集團董事總經理陳南祿（Philip）邀請，專程入嚟食飯。自言好少入馬場嘅佢走去投注櫃位、賽馬跑道參觀一番，又走去沙圈轉個圈，好似「劉姥姥入大觀園」咁。
梁栢賢話，今趟係因為Philip請佢食飯，佢先會入馬場，坊間有傳言話，第一次入場嘅人多數有好手氣，佢會唔會博一博呢？梁栢賢即刻耍手擰頭話：「唔會啦！我都唔識！」
講番今個聖誕假期，話去咗英國讀書嘅大女返港度假，過埋元旦先至返英國，所以全家人留港團聚，並冇外遊，佢仲話，啱啱履新冇耐，尋日假期結束後，今日就要返工嘞！