政情：洪祖杭贏頭馬袋36萬
好多名人趁尋日聖誕假最後一日入馬場，全國政協常委洪祖杭隻愛駒「駿方」喺第二場跑出，贏得三十六萬多元獎金，不過，拉頭馬嘅卻係幾位青春無敵嘅少男少女，有冇搞錯呀﹖冇錯，因為其中一個係笑容甜美嘅洪祖杭千金Stephanie，爸爸唔得閒嚟，佢咪同啲同學一齊威吓囉。
康泰旅行社老細黃士心同細仔黃進德分別有馬出，黃士心大仔康泰董事總經理黃進達（Jason）就同媽媽去撐場，Jason同媽媽未趕得切坐低，爸爸嘅愛駒已經出閘，雖然賽事輸咗，但無損Jason嘅興致，仲話歐洲風雪雖然對旅行社生意有影響，但員工夠晒經驗，唔使擔心。合和集團主席胡應湘（哥頓）夫婦同埋兒子胡文新都有入場撐愛駒，雖然冇斬獲，但哥頓依然心情靚靚。
洪祖杭愛駒生性勝出，囡囡Stephanie（右三）同朋友仔一嘗拉頭馬滋味。