政情：電器老闆工展會教燒扒

工展會係本地廠家好重視嘅大型展銷會，但出到大老闆親征就唔多，電器品牌德國寶嘅話事人陳國民（Edward）尋日就親身落到工展會，喺攤位前做路演，親身向顧客示範點樣整雞扒燒肉。

Edward對員工要求好高，得閒都會嚟聽下佢哋點路演，尋日亦趁機同啲客人分享下入廚樂。Edward平時都幾鍾意煮嘢食，但就冇咩時間親自下廚，所以佢特登喺公司整咗一間房用嚟做私房菜，一得閒就會叫齊班兄弟上去食飯聯誼下，仲請咗兩個大廚坐鎮，自己又可以煮下畀下意見，好似炆鮑魚咁，佢仲有獨門心得，水準拍得住大師傅。

陳國民（右）入得廚房，教人整嘢食絕冇難度。