SUN世代:極速人生路

李英健是天生的賽車手，由十二歲贏得少年組冠軍開始，便踏上一條極速人生路。十三歲到日本受訓，二十一歲被法國「方程式少林寺」La Filiere招攬，二十二歲成為史上首位華人三級方程式賽車手。他慨言「冇賽車，冇我」，但說到人生最難忘，他說：「唔係贏比賽，而係家人、女兒、朋友！」

三十四歲的李英健（Marchy），半生在賽車場上發熱發光，一切要從其父親說起。他的父親李平光是製衣商人，也是一位業餘賽車手，Marchy自幼受到薰陶，八歲便接觸小型賽車，十二歲已贏得香港小型賽車少年組冠軍。

「我好好彩，有個好開通嘅父親，自問係個坐唔定嘅人，讀書成績可以用離譜去形容，好記得阿爸問我，你係咪真係鍾意賽車？我答係，佢就話，好，我畀你學賽車，但如果你鍾意嘅嘢都唔盡力去做，你就正衰仔！」就是父親一席話，造就一個車壇神話。

家庭溫暖 較 贏比賽難忘

Marchy十三歲已隻身到日本受訓，十四、五歲就到法國、意大利參加職業比賽。二十一歲贏得中國康巴斯方程式全年總冠軍，更被選為亞洲最佳車手，同年到法國「La Filiere」賽車學校深造。他翌年進身三級方程式，更擊敗世界各地的車手，成為法國康巴斯方程式首站第一名及全年第四名，為香港以至全世界華人，寫下歷史一頁。

○七年他以中國代表身份，參加僅次於一級方程式的A1賽事，○八年再轉戰房車賽。「隨住年齡增長，唔可能永遠玩方程式，我覺得房車發展好大，我期望會有新突破！」Marchy一上賽場便極速奔馳，這是與生俱來的天賦，但背後的團隊支持同樣重要：「賽車係專業運動，由試車、換胎、加油、電腦數據等等，背後有成team人幫你，成功唔係一個人嘅事。」

多年來東征西討，贏盡國際賽事，回望賽車生涯，最難忘並非賽車帶來的榮耀，反而是人與人之間的感情。「最近喺澳門比賽，撞見Patrick Long，佢係我細個喺法國識嘅車手，大家講番近況都好開心，原來佢都就嚟結婚啦！」

朋友在他人生中不可或缺，他最愛與好友食飯「吹水」，兩年前他與朋友合資經營日式串燒居酒屋，就是想將這種開心感覺帶給別人，「食嘢對我嚟講，最重要係氣氛同埋同邊個食，咁先會開心，否則食魚翅都冇味！」但最令這位鐵漢窩心的，還是兩歲半的女兒，他說：「最難忘唔係贏比賽，而係三年前結婚，生咗個女，希望畀到佢一個快樂童年。」

李英健小檔案

年齡:34歲

學歷/專業資格:

溫哥華就讀中學

法國「La Filiere」賽車學校畢業

現職:

賽車手、「鳥串」居酒屋老闆、Carpro專業名車專門店老闆、賽車節目主持

能操語言:

中文、英文、法文

威水簡史:

90及91年香港小型賽車少年組冠軍

97年中國康巴斯方程式全年總冠軍

98年到法國受訓，成中國第一位三級方程式賽車手

04年亞洲寶馬方程式總冠軍

05年加盟前F1米納迪車隊成為試車手

07年成A1車隊車手

今年亞洲保時捷卡雷拉盃第五及第六回合冠軍、澳門GT盃亞軍