政情：張華峰料明年股市衝頂

曾經預測年底港股見二萬五千點嘅恒豐證券董事總經理張華峰繼續做大好友，佢話雖然近期港股反覆，但佢認為唔會有太大轉變，如果美國再推出新一輪量化寬鬆政策，勢必刺激港股上升，相信農曆新年後開始會穩步上升到三萬一千點水平。

不過，呢個水平接近○八年金融海嘯前嘅高位，係咪衝得過呢個心理關口，就要拭目以待嘞。咁點睇黃金投資呀？佢話黃金冇利息，亦估計金價差唔多見頂，倒不如搵啲優質股投資好過喎！

佢嘅預測信唔信得過就等大家自行決定，但佢隻愛駒「創新高」月初率先爆冷跑出，贏得四十七萬元獎金。

Money18 新功能「18好路數」為你預測心水股票升跌機會率

張華峰（中）愛駒「創新高」早前爆冷勝出，佢話要同太太（右）同胞弟（左）慶祝。