基本法委員會副主任梁愛詩喺尋日Boxing Day，同家人齊逛中環置地嘅超市，同行中有一位頭髮斑白嘅老人家，輪廓同詩姐有幾分相似，睇嚟係佢屋企嘅長輩，佢對呢位老人家好尊敬，邊行邊扶到實。詩姐喺超市集中掃新鮮蔬果，逛到咁上下，佢行埋收銀處找數。買咁多新鮮蔬菜，唔通返屋企打邊爐？佢笑而不答，但不忘講一句「Merry Christmas」，然後就say goodbye上車，應該係打道回府嘞！
逛超市期間，詩姐全程扶實身邊嘅白頭老人家。
