政情：盧文端廿四孝帶女遊台
全國政協委員盧文端好識享受人生，每逢長假期都會「一拖四」帶埋太太、細女Amanda、外父同外母去旅行，仲試過豪花幾十萬，尋日佢一家又出發去豪遊台灣六日。
盧文端話今次台灣團由旅行社精心安排，全程坐頭等機位，入住五星級酒店，仲有專業導遊同專車接送，未計膳食每人團費已需萬幾蚊。佢已去過台灣好多次，本月初就赴台參加茅台酒之夜，同多位台灣政界猛人同枱暢飲，但因為Amanda未去過台灣，所以做廿四孝老竇再去一次。
Amanda早已聽聞台灣地道小食好出名，所以好期待今次旅程。盧文端就好欣賞珍珠奶茶、花生湯、鬆脆蠔仔煎同台中嘅蠔仔麵線等，佢話就算香港有得食，都未及台灣嘅水準。