Sun世代：「年輕人諗嘢冇框框」

傅備斌是家中長子，有一弟一妹。中五畢業後曾短暫打工，但他「做慣大哥管慣人」，不喜歡被人管：「我家境OK㗎，但我對讀書冇乜興趣，中五之後就冇讀書，八八年就創業。」先後做過貿易、文具、玩具、飲食和禮品生意，終於憑着BannerSHOP打出一片天，先後獲得「盛世卓越品牌大獎」、「香港名牌」等殊榮。

用工作狂來形容傅備斌絕不誇張：「最大興趣就係工作，以前一星期做足七日，由朝做到晚，但近年發現唔可以淨係掛住做，都要放吓假去旅行。」他的兒子十九歲，正在澳洲讀書，「自己學歷唔高，覺得讀書好重要，起碼諗嘢會唔同啲，所以個仔最低限度要讀到大學，我自己亦有不斷進修。」

觀塘總公司的員工都是二十多歲的後生仔，傅備斌和他們有說有笑，打成一片：「鍾意畀機會年輕人，因為佢哋諗嘢唔會畀框框限住，有好多新嘅idea！」最近一班年輕人便構思了「Banner Buddy」，稍後會拍廣告。