《創戰紀》惹火

睇戲期間走火警，觀眾大感狼狽。約一百五十名觀眾，昨晚在銅鑼灣百德新街MCL翡翠明珠戲院二號影院，觀賞被包場播放首映的3D科幻動作電影《創戰紀》，惟開場僅十五分鐘後，有喇叭疑電線短路起火冒煙，觀眾緊急疏散，幸秩序大致良好，無人受傷。消防員趕抵時，火警已自行熄滅。

該戲院昨晚八時的一場，被「NOW TV」包場，觀眾大部分是其客戶，另有小部分員工。觀眾入座後，電影便開映，但至約八時十五分，當觀眾全神貫注欣賞劇情發展之際，戲院內其中一個喇叭突然起火冒煙，職員立即疏散觀眾到戲院大堂。消防員到場時火已熄滅，毋須開喉灌救，經調查後，火警懷疑因喇叭電線短路引致，並無可疑。

開場15分鐘冇戲睇

有受影響觀眾表示，入場時已發覺肇事喇叭聲音沙啞「唔多妥」，但未料到會着火。對於開場十五分鐘便告「冇戲睇」，感到十分掃興。「NOW TV」一名女公關表示，每位受影響觀眾會獲贈兩張戲票，擇日再看，其中一張為《創戰紀》戲票，另一張則由戲院方面送出，可以選擇有關戲院的院線任何一齣電影。觀眾在取得作為補償的戲票後滿意離開。