聖誕節難得有幾日假期，香港各界青少年系列活動執行主席曾智雄尋日出席活動時透露，平時忙到飛起，難得聖誕可以抖番幾日，一定要畀太太過番一啲正常人過嘅生活，就係陪太太行街睇戲食飯。佢仲話囡囡依家五個月大，今年亦係佢哋一家三口第一個聖誕節，所以一定要送份特別禮物畀太太。
至於香港志願者協會主席葉振都亦係「愛妻號」，早前佢帶完自願者團隊上廣州忙完亞運返嚟，跟手又要籌備今次活動，所以聖誕節都會用嚟陪做醫生嘅太太同兩個小朋友。
曾智雄（右）同葉振都呢兩個「愛妻號」，聖誕會留喺香港陪妻女。
