政情：鄉局撲水為新大樓埋單
鄉議局沙田石門新大樓耗資一億七千萬元興建，定於明年四月二號入伙，並喺五月擇日舉行開幕典禮。不過，鄉議局大樓建造費不菲，雖然大樓已經有入伙期，但到家吓仲差幾千萬元建造費，所以鄉議局都度緊橋撲水。
據講鄉議局已委託兩間測量師行為現時該局位於九龍塘嘅總部估價，研究出售地皮嘅可行性，並委託另一間測量師行為上址進行重新發展嘅價值研究，暫時未有定案。
新大樓入伙有期，連串慶祝活動自然唔少得，香港賽馬會繼贊助四千幾萬元後，再批准該局毋須承擔任何贊助，可於明年二月二十號喺沙田馬場舉行「鄉議局盃」。