SUN世代：義氣仔行善點止捐錢咁簡單

賣「忍者龜」至風行一時的陳大河家族，孫仔陳光明（Johnny）專注金融生意，一改家族低調作風，落力參與公益活動，更為家裏的「富四代」樹立榜樣，以親子兵團進行探訪活動，寄望延續為善之心：「做慈善唔係捐錢咁簡單，要走入有需要嘅人士當中，以互動方式接觸佢哋！」

三十九歲的陳光明是富三代，祖父陳大河是彩星玩具創辦人，憑卡通人物忍者龜發迹，公司在八四年上市後，市值曾達四十億元。Johnny的父親陳俊懷及叔叔陳俊豪曾共同掌管彩星，後因公司股權問題而對簿公堂。自此，陳父便另立門戶，開設投資及貿易公司。

「我哋呢代注重社會交流」

Johnny小學讀培正，十二歲時便和兩個弟弟遠赴加拿大升學。中學時代，他雖有父母匯錢支付生活費，但亦樂於做兼職賺外快，「夜晚我會去金融機構做office boy（辦公室助理），上司知我識亞洲市場，就叫我研究日本、香港股市。」期間，他有機會到美國投資公司交流，更獲頒發獎學金讀大學，「嗰陣我考咗安大略省第二名，讀大學就唔使屋企錢。」修讀經濟學的Johnny畢業後在紐約華爾街當分析員，一年不夠，便以太子爺身份回港入主父親的投資公司駿昇投資，父子兵上陣在金融界拚搏，一直做到今天。

陳氏家族一向低調，Johnny則恰恰相反，除了活躍於金融界，更不時在商界慈善活動亮相，「佢哋上一代人係少啲參與政治、商會，做慈善都係捐錢起學校、醫院，但到我哋呢代就注重多啲同社會嘅交流喇！」說罷，即豪邁大笑。

Johnny外表有潮州怒漢的氣勢，內裏其實是熱心公益的潮州義氣仔。身為潮州商會青委會（簡稱潮青）主任，他的目標是聯同其他潮青成員，做好潮州鄉里聯誼工作，並把商會貢獻社會的精神延續下去。原來令Johnny專注社區工作，始於一次感受至深的義工經驗。中秋、新年等大時大節，潮青均會聯絡不同的慈善機構，組織探訪送暖活動，或向基層家庭添置物資。兩年前，Johnny帶同當時六歲的女兒，到牛頭角下邨探訪獨居長者。探訪慰問前，慈父先讓幼女開眼界：「兩父女同社工去到婆婆屋企門口，個女睇落有少少驚，匿埋喺我身後面，疑惑緊間屋點解咁細咁逼，放滿膠袋雜物，同自己屋企好唔同，慢慢佢先習慣個環境。」

「長者需要我哋同佢傾偈」

這次親子義工隊初次體驗送福包，竟超額完成：「本來預計同婆婆傾二十分鐘，點知個半鐘先走。婆婆同我哋講得好開心，熟絡咗仲摸吓我女個頭，當佢孫女咁。」此行令Johnny明白單靠銀彈實不足以做好公益活動，「長者都係需要我哋同佢傾偈，錢唔係咁重要。」

「最近我哋就幫緊福幼基金籌款，搞咗個扯大纜比賽，籌到六萬幾蚊。」Johnny亦有落場玩埋一份，他認為做善事要身體力行，「潮州商會成立九十年，唔可以淨係捐錢，一班年輕人依家都落手落腳走入社區！」

陳光明

年齡　39歲

婚姻狀況　

已婚，育有一女兩子

學歷　

加拿大多倫多大學學士，主修經濟，副修歷史

現職　

鉅駿投資控股有限公司主席

公職（部分）　

中央政策組非全職顧問、中區少年警訊名譽會長、香港中華總商會會董、香港潮州商會常務會董及青年部主任