早幾日喺銅鑼灣見到專業及資深行政人員協會創會會長Samuel容永祺，由公司快步行去da Domenico，原來約咗太太同公司同事食飯。呢間餐廳主打傳統意菜，紅蝦意粉叫好叫座。Samuel話舊年遊米蘭度假時幫襯過一間有百年歷史嘅意國餐廳，一試難忘，估唔到喺da Domenico搵番呢種風味。到底乜感覺咁正？原來係一種由意粉透出嘅誘人香氣，加埋新鮮紅蝦，真係難得嘅好味道。
意大利菜餐廳鄰近Samuel嘅公司，佢平均兩、三個月會幫襯一次。
紅蝦意粉入口鮮甜味爽。 （容永祺提供圖片）
