憑一首《Nobody》紅爆嘅韓國女子組合Wonder Girls，上周五夜晚喺亞洲博覽館開騷，音樂會搞手全國青聯常委Johnny吳傑莊同太太拍拖嚟睇，而百仁基金副主席楊華勇亦同一班朋友前來，佢話淨係識得《Nobody》一首歌，擺明車馬係嚟撐Johnny。當晚贊助商之一嘅金至尊副董事長徐傳順同太太一齊入場，但徐生唔肯入鏡，笑言最近曝光太多喎！其實係囡囡徐子淇頻頻曝光就真，因為大家都關心佢傳宗接代嘅進展嘛！
吳傑莊同太太拖實手仔現身。
