政情：李宗德思鄉情迷寧波菜
寧波同上海密不可分，菜式都好近似，全國人大代表李宗德係寧波人，舊年上任寧波旅港同鄉會會長無耐，佢對會所嘅食物好鍾情，包括葱油家常餅、油淋雞同桂花芝麻湯丸、炸臭豆腐等。
寧波旅港同鄉會會所位於中環德忌立街二至十八號，會所嘅油淋雞最受歡迎，如果想食最靚嘅雞，最好一日前預訂，否則雞隻唔夠乾身，就炸得唔夠香脆。同李宗德講開至知，原來早年好多寧波人移居咗去上海，喺香港嘅寧波上海人就有：中大校長沈祖堯、人大代表羅范椒芬、人大常委范徐麗泰、公務員事務局長俞宗怡等。
李宗德大讚寧波同鄉會嘅葱油家常餅味道好。
炸臭豆腐
油淋雞