政情：郭炳江聖誕送金送上癮
新鴻基地產副主席兼董事總經理郭炳江，尋日同馬灣公園諮詢委員會主席鄭慕智、馬會大董李家祥及中文大學校長沈祖堯一齊出席喺馬灣公園挪亞方舟舉行嘅「喜悅之聖誕2010全城愛無限」送暖活動，佢哋仲粉墨登場，前三位扮東方博士向耶穌送上黃金、乳香同沒藥。
其後，郭炳江更宣布新地員工加薪，仲一定好過舊年，會係十年嚟最好嘅一次；咁都唔止，花紅仲一定多過舊年，雖然仲未落實幾多，但大約會多過舊年廿幾個巴仙，真係聽見都興奮！
郭炳江（中）呢位紅衣博士送暖之餘，又向員工送大禮加人工花紅。