政情：張學明頭暈撼傷前額
身兼新界鄉議局副主席、建仔立法會議員張學明，因嘔吐同頭暈被送入院，發現心臟大動脈血管栓塞，通咗波仔後，近期已經少咗出席公開活動，佢尋日出席立法會大會時，前額位置驚現兩個五蚊銀咁大嘅瘀痕（圖）。
據講係因為幾日前佢突然又感到暈眩，眼前一黑頭向前仆，致前額掛彩。學明嘅情況已引起建制派高層關注，擔心佢嘅健康問題會影響後年嘅立法會選舉部署。
除咗額頭掛彩，睇佢並冇其他異樣，咁都令人安心啲。我哋尋日想向佢求證額頭受傷經過，惜未聯絡上。
張學明