政情：肥師奶現身辛亥百年展
喺辛亥革命一百周年前夕，中環大會堂尋日舉行紀念辛亥革命一百周年大型展覽，展出八幅孫中山手迹，吸引城中政商界名人出席，二百幾人逼喺展廳內，都咪話唔墟冚。革命先驅後人都嚟湊熱鬧，除咗孫中山曾姪孫孫必達，仲有曾同孫中山一齊倡言革命嘅「四大寇」尤列曾孫尤迪桓，即係民政事務局前常秘「肥師奶」尤曾家麗嘅老公。前全國人大常委曾憲梓亦坐住輪椅嚟到，大家都讓路畀佢睇展覽。
尤曾家麗（左）講起老公尤迪桓（右）係尤列後人，感到好自豪。
孫中山曾姪孫孫必達（右一）到場，全國政協常委陳永棋（右二）親自招呼。