SUN世代：夢想要靠膽識實踐
鄧淑明曾經形容事業、公職、學術為她的人生「鐵三角」。她現時仍會抽空到不同的大學教學，希望重新點燃「年輕人追求夢想嗰團火。」她說：「我去到學生講座，會鼓勵佢哋要有國際視野，掌握兩文三語技能；另外，要敢去做夢！自己要有夢想，然後有膽識去實踐，就算你嘅夢想係搵份好工。」
Winnie既有夢想，自己亦身體力行，實踐理想。身為過來人，她寄語年輕人發奮圖強，共同建設美好香港：「只要有夢想、有信念，你努力去做，唔好怕困難，唔好怕失敗，就可以實現夢想。每個人都要有自己嘅理想，當然有啲人嘅理想好簡單，例如搵份好工夠食夠住，完全無問題；不過我嘅理想有啲唔同，我嘅理想係點樣用科技幫到香港提升競爭力，而且由我親身實踐，用自己嘅時間、自己嘅青春、自己嘅金錢行出來！既然行到出來，我亦希望可以鼓勵多啲人行出來，用正能量推動香港向前發展。」
小時候與家人到元朗郊遊。