政情：搞搞政：黃鴻超冇備課亂答一通
高官係咪不食人間煙火？尋日立法會政府帳目委員會再就直資學校帳目混亂進行聆訊，好多帳委會成員替貧困學生擔憂，有成員問教育局官員問題時，揭露原來成班教育局高官真係唔知民間疾苦。
好多官員答唔出答案，有啲就答案唔一致，仲有官員答非所問，話政府會對經濟有困難嘅學生提供書簿同車船津貼，當中以教育局常秘黃鴻超最離譜，唔知都亂咁答一通，佢話：「綜援我理解係政府畀學費。」答案全錯，認真失禮。黃鴻超就嚟調任公務員事務局常秘，公務員有好多規條，若果屆時佢再亂噏就好大鑊喎！
直資學校嘅問題爆完一單又一單，高官又高高在上，噏得就噏，真係冇佢哋收！