政情：鼠王芬畀高達激到掟筆
政情：鼠王芬畀高達激到掟筆
立法會房屋事務委員會同發展事務委員會尋日開聯席會議，主要傾房屋土地供應問題，再搭單傾埋深水埗填海區起公屋。深水埗起公屋似乎應該喺區議會傾，只因居民反對，傾咗好多年都傾唔掂，於是「鼠王芬」梁美芬要求拎上立法會度拆掂佢。不過，主持會議嘅「高達」李永達唔通氣，卒之得番幾個字時間傾深水埗起公屋問題。
鼠王芬畀高達激到好㷫，鬧高達安排時間失誤，唔尊重佢嘅議題，最後仲嬲到掟筆添！高達亦忍唔住寸番鼠王芬，話唔想同佢辯論，但如果佢係都要講嘅話，就真係冇時間傾深水埗公屋喇！話聲一落，鼠王芬即無奈收聲。