政情：鐵頭仁受阻衰冇遠見
政情：鐵頭仁受阻衰冇遠見
諾貝爾和平獎頒獎畀內地在囚異見人士劉曉波，激發外交風波，白鴿黨主席「鐵頭仁」何俊仁等前晚搭夜機前往挪威準備觀禮，行程亦受阻！唔好誤會，同政治無關。
鐵頭仁同支聯會副主席李卓人、社民連主席陶君行同埋獨立中文筆會副會長潘嘉偉揀喺蘇黎世轉機，點知撞正大風雪，導致航班延誤，四人「落難」異鄉，滯留瑞士蘇黎世機場，扺達挪威時已經夜晚七點。雖然佢哋可以出席今日嘅頒獎禮，但就錯過原定尋日挪威時間下晝三點去中國駐挪威大使館門外抗議嘅活動。
鐵頭仁等四人滯留消息一出，有網友留言話，歐洲刮大風雪，大家應該早一日出發啦！
鐵頭仁（前）等四人滯留期間苦中作樂，喺蘇黎世機場影大合照。