改詩贈興：一尺面皮厚到死
改詩贈興：一尺面皮厚到死
【本報訊】多個熱門網上討論區昨日都有大批網民，熱烈討論立法會調查梁展文事件的報告，狠批公務員事務局局長俞宗怡失職但毋須問責下台，炮轟梁展文死不認錯。suittie2000批評「俞宗怡死不下台，面皮厚唔要臉，唔下台問乜嘢責？」gigantic強調「問責=辭職」；bigmouth2006指「唔係辭職，係炒佢冇糧食！」stievaA揶揄「一個月十幾萬人工，仲有長糧，辭工？咪講笑啦！」sttock則說「這個政府只在吸水，根本當市民係傻瓜！」
belebala100把梁展文反駁聲明中的詩句「一點春心紅到死」，改成「一尺面皮厚到死」。yuman說「官官相衞+官商勾結，真係無屈你㗎香港政府！！」parkwork總結「正苦（政府）有良知等於要太陽由西邊升起，認命吧。」