Sun世代：摺鋁藝術第一人

Orson現時將模特兒公司交給太太打理，自己則將兒時興趣發展成另一盤生意—摺鋁藝術。原來他小時候極迷摺紙，而且極具天分，他將摺紙技術運用到汽水鋁罐上，摺成只有三點五厘米大小的機械人，取名「CANBOT」，○八年起在網上發售。

荷里活明星追捧

這些鋁質機械人售價千多元一隻，款式較複雜的，售價更高達三千至五千元，依然大受美、日、韓客人歡迎：「因為係全人手做，冇燒焊、冇膠水，純粹靠雙手摺出嚟，而且循環再用汽水罐，非常環保。用鋁摺到咁細嘅，我係第一人。」外國客人視為藝術，他一天只摺一隻，定單已排到明年年尾。

他坦言當初不被親友看好，甚至笑他「黐咗線」，現在他的名字已紅遍美、日、韓，顧客更包括荷里活明星，尖沙咀一商場亦邀請他稍後舉行展覽。他笑說：「咁多人欣賞自己，呢份滿足感係多多錢都比唔上嘅！」「We Can Make It」是他的創作口號，盼藉此帶出環保訊息，鼓勵年輕人多作嘗試，改變世界。