Sun世代：型模語錄：機會到就成功

成功沒有捷徑，高大靚仔的李浩迅（Orson）寧願放棄高薪厚職、與家人鬧翻，也要投身模特兒行列。坐過冷板櫈，甚至黯然轉行，直至成為名牌御用model，更開了自己的模特兒公司，除了抱着孤注一擲的決心，更下過極大苦功。他以自身經歷勸勉年輕人：「成功唔係㩒個掣就有，但肯努力，機會始終會來臨！」

三十二歲的Orson出身中產家庭，父親曾任政府新聞官。他中三便到美國升學，九九年畢業於美國加州大學洛杉磯分校經濟系。父母原屬意他做政府工，但做模特兒才是他的夢想。原來十六歲那年，他被廣告公司發掘，與當時尚未成名的模特兒陳嘉容拍攝汽水廣告：「陳嘉容只係做配角，我已經做主角，我就諗，自己冇可能唔得啫！」

大隻男坐足一年冷板櫈

為了達成心願，Orson拚命在三年內完成四年大學課程，課餘又狂做運動操肌肉：「我同父母傾好，如果我可以早一年畢業，就可以用一年時間做model。」

可惜大學畢業返港，日式瘦身男模成為時尚指標，他這種大隻型男沒有市場，整整一年都坐冷板櫈。失望透頂的他惟有面對現實，加入當時的「五大」安達信會計師事務所任核數師。

一年半後，公司打算派他回內地工作，但因偶遇一位小學同學，而將他往後的日子徹底改寫。Orson說：「聖保羅有好多有錢仔，嗰晚撞見舊同學，佢泊咗幾架Benz喺我屋企樓下，我心諗，核數師雖然係受人尊重嘅職業，但打工點都冇可能追到人哋，我唯一叻嘅地方就係靚仔過佢，做model係賺錢捷徑。」

日日對鏡頭練casting

Orson毅然辭職，不料父母極度震怒，要和他脫離關係，除即時cut信用卡外，更將他趕出家門，女朋友亦堅決和他分手。他獨自搬往數十呎套房居住，「戶口乜錢都冇，又冇朋友傾訴，搬出去第一晚係咁喊。」但他咬緊牙關重新站起來：「接第一單job有七千蚊，我用嚟買攝錄機，日日對住鏡頭練習casting。原來真係有用㗎，好多客都係見我casting做得好而選用我。」機會終於來臨，○二年八月，他在五百多名男模中脫穎而出，成為首位亞洲男模登上一本時尚雜誌封面，奠定一線地位，國際名牌都爭相起用他。○五年退居幕後開設模特兒公司，生意已上軌道，日本和內地都有辦事處，「我已經半退休啦！」他笑道。

事業有成，與父母的關係亦大大改善。Orson語重心長說：「路係自己行出嚟，成功唔係㩒個掣就有，一定要準備好自己，我做核數師亦好努力keep fit，等機會一到，努力去做，就會成功！」

Orson's Profile

李浩迅小檔案

年　　齡：32歲

學　　歷：美國加州大學洛杉磯分校（UCLA）經濟系學士

現　　職：UNIK entertainment老闆、CANBOT設計師兼老闆

婚姻狀況：今日與模特兒未婚妻拉埋天窗