政情：許晉平父子擦龍蝦餐
政情：許晉平父子擦龍蝦餐
因為同新女友「九巴金公主」伍穎梅嘅戀情曝光，令到身為男朋友嘅中建企業董事許晉平瞬間人氣急升，日前傍晚六點幾就撞到佢同囝囝喺中環置地廣場撐枱腳食飯，全程有傾有講好開心，囝囝更不時開懷大笑。爸爸許晉平對囝囝關懷備至，好似食主菜「龍蝦芝士麵」咁，佢就幫囝囝拆龍蝦肉，又用餐巾幫囝囝抹嘴，非常溫馨。埋單之後，仲見佢兩父子拖住手漫步嘅背影離開，兩父子嘅感情幾咁深厚。
許晉平父子走到欄杆邊欣賞地下嘅Tic-tak舞。
許晉平同囝囝食飯期間有傾有講，仲氹到囝囝開懷大笑。