政情：潮州商會90歲接班冇煩惱
政情：潮州商會90歲接班冇煩惱
早前都講過潮州商會喺下周四將舉行九十周年會慶暨第四十七屆會董就職典禮，尋日應屆會長陳幼南、兩位副會長張成雄同胡劍江仲有會董黃書銳，一齊向傳媒簡介佢哋就職典禮嘅精彩節目，兼且預告吓嚟緊多項宣揚潮州文化嘅活動，好似美食節、工藝展、攝影比賽等。
好多人都覺得加入商會好老餅，但陳幼南話佢哋冇呢方面煩惱，事關佢哋都好注重薪火相傳，加上香港有成百萬「架己冷」，要吸納年輕新血入會一啲都唔難，而且佢哋求才若渴，唔一定要係富二代先可以入會，只要有會董推薦兼且品格良好就可以入會幫手嘞。